- २६ असार २०८३, शुक्रबार / Jul 10, 2026
gaja
काठमाडौँ, ८ फागुन। त्रिभुवन अन्तरराष्ट्रिय विमानस्थलको आगमन टनेल गेटबाट आज करिब ११ किलोग्राम २७० ग्राम गाँजासहित तीन भारतीय नागरिक पक्राउ परेका छन्।
केन्द्रीय प्रहरी प्रवक्ता एवं प्रहरी नायब महानिरीक्षक अविनारायण काफ्लेका अनुसार ४३ वर्षीया समीना अख्तर बैग मिर्जा, २४ वर्षीय मोहम्मद जुनैद तथा ४४ वर्षीय अफसाना अमीर हुसेन शेखलाई पक्राउ गरिएको हो।
त्रिभुवन अन्तरराष्ट्रिय विमानस्थल सुरक्षा कार्यालय र लागूऔषध नियन्त्रण ब्यूरोबाट खटिएको संयुक्त टोलीले मोहम्मद जुनैद र समीना अख्तर बैग मिर्जाबाट करिब ३ किलो ८७० ग्राम तथा अफसाना अमीर हुसेन शेखबाट करिब ७ किलो ४०० ग्राम गाँजा बरामद गरेको जनाएको छ।
पक्राउ परेका तीनै जनालाई आवश्यक अनुसन्धान तथा कारबाहीका लागि आजै लागूऔषध नियन्त्रण ब्यूरो पठाइएको प्रहरीले जनाएको छ।
