- १६ जेष्ठ २०८३, शनिबार / May 30, 2026
हेटौडा । देशकै प्रमुख पर्यटकिय क्षेत्र नगरकोटलाई वागमती प्रदेशको सरकारको नीति तथा कार्यकममा समावेश गर्न संयुक्त डेलिगेशन टोलिले माग गरेको छ ।
नगरकोट भ्रमण वर्ष २०८२ का लागि संयुक्त डेलिगेशन टोलिले प्रदेश सरकारको नीति तथा कार्यक्रममा समावेश गरि बजेटको माग गरेको हो ।
हिले जलजले ताल निर्माणका लागि रू १० करोड र नगरकोट पर्यटन विकास समितिको बहुआयामिक भवन निर्माणका लागि रू २ करोड विनियोजन गर्न संस्कृति, पर्यटन तथा सहकारी मन्त्रालय बागमती प्रदेशलाई हेटौंडा पुगेको डेलिगेशन टोलीले आग्रह गरेका चाँगुनारायण नगरपालिका वडा नं ६ का वडा अध्यक्ष धनबहादुर लामाले बताउनुभयो ।
टोलीले बुझाएको ध्यानाकर्षण पत्रमा मण्डनदेउपुर नगरपालिकाका नगर प्रमुख टोक बहादुर वाइवा, बनेपा नगरपालिकाका नगर प्रमुख शान्ति रत्न शाक्य, चाँगुनारायण नगरपालिकाका नगरप्रमुख जीवन खत्री, शंखरापुर नगरपालिकाका नगर प्रमुख रमेश नापितका साथै उपप्रमुखहरू र वडा अध्यक्षहरू धन बाहदुर लामा तथा पर्यटन बिकास समितिका पदाधिकारीहरुले हस्ताक्षर गरेकाछन् ।
भ्रमण वर्ष सफल बनाउन भक्तपुर, काभ्रे, काठमाडौंका विभिन्न नगरपालिकाका नगर प्रमुख, उपप्रमुख, वडा अध्यक्ष, पूर्व मन्त्री कञ्चनचन्द्र बादे, राजु विष्टका साथै प्रदेश सभासदस्यद्वय किरण थापा र सुरेश श्रेष्ठकोसमेत सहभागिता रहेको थियो ।
