- १५ जेष्ठ २०८३, शुक्रबार / May 29, 2026
काठमाडौँ, १७ बैशाख । काठमाडौँ उपत्यकामा बितेका २४ घण्टामा ट्राफिक नियम उल्लङ्घन गर्ने २ हजार ४८९ सवारी चालक कारबाहीमा परेका छन् । यसबाट राज्यकोषमा रु २२ लाख ७४ हजार ५०४ राजस्व सङ्कलन भएको छ ।
काठमाडौँ उपत्यका ट्राफिक प्रहरी कार्यालयका अनुसार मादक पदार्थ सेवन गरेर सवारी चलाउने ४९ जनालाई कारबाही गरिएको छ । यस्तै, नियमविपरीत ‘राइड सेयरिङ’ गर्ने २५८, ट्राफिक सङ्केत उल्लङ्घन गर्ने १७० र तीव्र गतिमा सवारी चलाउने ११२ जनालाई समेत कारबाही गरिएको कार्यालयले जनाएको छ ।
यसैगरी, ‘लेन’ अनुशासन पालना नगर्ने ३२५ , निषेधित क्षेत्रमा हर्न बजाउने ६४ , सडक पेटीमा सवारी पार्किङ गर्ने १२१ , निर्धारित स्थानमा यात्रु चढाउने तथा ओराल्ने नियम उल्लङ्घन गर्ने ६२ र अन्य विभिन्न सवारी नियम उल्लङ्घन गर्ने १ हजार ३२८ जनालाई कारबाही गरिएको छ ।
