बालविवाहको आरोपमा दुई जना पक्राउ

अर्घाखाँची । अर्घाखाँचीमा दुई जना पक्राउ परेका छन् । १२ वर्षीया बालिकाको विवाह गराएको आरोपमा दुई जना पक्राउ परेको प्रहरीले जनाएको छ ।

बालविवाहसम्बन्धी जाहेरी परेपछी मुमारामलाई पक्राउ गरिएको र अदालतबाट म्याद थप गरी अनुसन्धान भइरहेको जिल्ला प्रहरी कार्यालय अर्घाखाँचीले जनाएको छ ।

ललाइफकाइ विवाह गराएको अभियोगमा भूमिकास्थान नगरपालिका–९ की सकुन्तला सारु र विवाह गर्ने सन्धिखर्क नगरपालिका–८ का मुमाराम बि.क लाई पक्राउ जनाएको छ ।

सकुन्तलाले काम लगाइ दिने भन्दै १२ वर्षीया बालिकालाई घरमा बोलाएर मुमारामको जिम्मा लगाएको र त्यसपछी मुमारामले बालिकालाई सिन्दुर लगाएर घरमा भित्राएको भन्दै बालिकाको कान्छो बुबाले उजुरी दिएका हुन ।