बस र ट्रक ठोक्किदा चितवनमा दुई जना घाइते

काठमाण्डौ । बस र ट्रक ठोक्किदा दुइ जना घाइते भएका छन् । चितवनको मुग्लिन–नारायणगढ सडक खण्डको सिमलतालमा भएको दुर्घटनामा दुईजना घाइते भएका हुन ।

दुर्घटनामा बसका यात्रु भने सुरक्षित रहेका छन् । सिमलताल क्षेत्रमा सडक जोखिमयुक्त छ । पानी पर्दा सडकमा लेदोसहितको पहिरो समेत खस्ने गरेको छ । यात्रा गर्दा सडकको अवस्था बुझ्न र सावधानी अपनाउन ट्राफिक प्रहरीले आग्रह गरेको छ ।

ए आर ०१ टी ६३७२ नम्बरको भारतीय बस र ग २ ख ११०८ नम्बरको ट्रक ठोक्किदा दुर्घटनामा ट्रकका चालक र सहचालक घाइते भएका छन् । उनीहरुलाई उपचारका लागि भरतपुर पठाइएको मुग्लिन प्रहरीले जनाएको छ ।