ट्याक्टरमा च्यापिएर पाँच जनाको मृत्यु

काठमाडौं । अछामको मेल्लेखमा ट्याक्टर दुर्घटना हुदाँ पाँच जनाको मृत्यु भएको छ। सोमबार बिहान मेल्लेख गाउँपालिका–७ सुयेडीमा ट्याक्टर दुर्घटना हुदाँ पाँच जनाको मृत्यु भएको हो ।

दुर्घटनामा तीन जना घाइते भएका छन् भने घाइतेको बयालपाटा अस्पतालमा उपचारका लागि पठाइएको अछामका प्रहरी प्रमुख डीएसपी सन्तोष पाठकले बताए ।

मेल्लेखको सोडशाबाट साँफेबगर जाने क्रममा ट्याक्टर सुयेडी नजिकै दुर्घटना भएको पाठकको भनाइ छ । सु–प्र ०१००२ च ४९७९ नम्बरको ट्याक्टर अनियन्त्रित भएर सडकबाट ५० मिटर तल खसेको छ ।