- ७ आश्विन २०८३, बुधबार / Sep 23, 2026
काठकाडौं । जनताका ७ सय ५१ वटा माग लिएर प्रमुख प्रतिपक्षी नेकपा एमालेले ज्ञापन पत्र बुझाएको छ । एमालले मंगलबार उक्त माग समेटिएको ज्ञापनपत्र सरकारलाई बुझाएको हो । एमालेले गत मंसिरमा गरेको मध्यपहाडी लोकमार्ग केन्द्रीत संकल्प यात्राका क्रममा जनताबाट आएका गुनासोलगायतका समस्याहरु समेटेर ज्ञापनपत्र बुझाएको जनाएको छ ।
जनताबाट आएका गुनासाहरुलाई वर्गीकरण गरी तिनको समाधानको उपायसमेत लिखित रुपमा सरकारलाई बुझाइएको एमाले उपमहासचिव प्रदिप ज्ञवालीले जानकारी दिनुभयो । ज्ञापन पत्र ग्रहण गरेसँगै प्रधानमन्त्री पुष्पकमल दाहालले यी विषयलाई आफूले गम्भीरताका साथ लिएको र एमालेको अभियानले लोकतन्त्र बलियो बनाउन मद्दत गरेको बताउनुभएको पनि उपमहासचिव ज्ञवालीले बताउनु भयो ।
सुझावलाई दराजमा थन्क्याउने नभइ कार्यान्वयन गर्ने प्रतिवद्धता प्रधानमन्त्रीले दिनुभएको बताउनु भयो । पार्टीलाई विभिन्न ४६ वटा जिल्लाबाट प्राप्त भएका ७ सय ५१ वटा माग समेटिएको ज्ञापनपत्रमा गण्डकीका १६१, कोशीका १७०, सुदूरपश्चिमका १३५ र बागमतीका १३३, कर्णालीका ७९, लुम्बिनीका ७५ र मधेसका ८ वटा समस्या र ती समस्याका समाधान समेटिएको उपमहासचिव ज्ञवालीको भनाई छ ।
एमाले अध्यक्ष केपी शर्मा ओलीसहितको टोलीले मंगलबार बिहान प्रधानमन्त्री निवास बालुवाटार पुगेर जनस्तरबाट आएका ७ सय ५१ माग र तिनका समाधानको उपायसहितको ज्ञापनपत्र बुझाएपछि ज्ञापन पत्र ग्रहण गरेसँगै प्रधानमन्त्री पुष्पकमल दाहालले यी विषयलाई आफूले गम्भीरताका साथ लिएको र एमालेको अभियानले लोकतन्त्र बलियो बनाउन मद्दत गरेको बताउनुभएको एमालले जनाएको छ ।
