भ्यान र ट्रयाक्टर ट्रली ठोक्किँदा ६ जनाको मृत्यु

एजेन्सी । बिहीबार पाकिस्तानको पूर्वी पञ्जाब प्रान्तको लोधरान जिल्लामा भ्यान र ट्रयाक्टर ट्रली ठोक्किँदा ६ जनाको मृत्यु भएको छ । घटनामा अन्य १६ जना घाइते भएका छन् ।

घाइतेमध्ये ७ जनाको अवस्था गम्भीर रहेकाले मृतकको सङ्ख्या अझै बढ्न सक्ने आशंका गरिएको छ । प्रहरीले ट्याक्टर ट्रलीका मालिकविरुद्ध आपराधिक लापरवाही गरेको आरोपमा मुद्दा दर्ता गरी अनुसन्धान अगाडि बढाएको छ ।

जिल्लाको दुनियापुर क्षेत्रमा बिहेका जन्ती बोकेको भ्यान सडक छेउमा पार्किङ गरी राखिएको ट्याक्टर ट्रलीमा ठोक्किदा सो दुर्घटना भएको प्रहरीले जनाएको छ । दुर्घटना ३ महिला, २ पुरुष र १ बालकको मृत्यु बएको छ । घाइतेहरूलाई नजिकैको अस्पतालमा लगिएको छ।