- २२ आश्विन २०८३, बिहीबार / Oct 8, 2026
काठमाण्डौ । बाग्लुङ पहिरोमा परेर बेपत्तामध्ये थप एक जनाको शव फेला परेको छ । गएको मङ्गलवार बिहान बाग्लुङको बडीगाड गाउँपालिका–१० आरुपाटामा खसेको पहिरो परेका थप एक जना शव फेला परेको छ भने एक जना अझै बेपत्ता छन् ।
११ वर्षीय सुमन थापा अझै बेपत्ता छन् । उनको खोजी भैरहेको प्रहरीले जनाएको छ । पहिरोमा परेर घाइते भएकामध्ये ३ जनाको काठमाण्डौमा उपचार भइरहेको छ ।
पहिरोमा परेर बेपत्ता ११ वर्षीय मनोज बुढाको शव विहीबार बेलुकी भेटिएको प्रहरीले जनाएको छ । योसहित आरुपाटाको पहिरोमो ज्यान गुमाउनेको सङ्ख्या ९ पुगेको छ ।
