अब मोवाइलमा टिकट छ भनेर ढुक्क नहुनुहोस्,प्रिन्ट गरेर साथमै लैजानुहोस्

काठमाडौं । नेपाल भित्रै यात्रा गर्ने यात्रीले अब मोवाइलमा टिकट देखाएर छिर्न नपाउने भएका छन् । विमानस्थलमा प्रहरीले ‘प्रिन्टेड टिकट’ अनिवार्य गरिएको भन्दै यात्रुलाई छिर्न रोक लगाएको हो । कम्पनीहरुले समेत यात्रुलाई डिजिटल टिकट नभई टिकट प्रिन्ट गरेर आउन सूचित गरेको जनाइएको छ ।

नम्बर मात्र लिएर आउने यात्रुको नाम, गन्तब्यसहित स्पष्ट नहुने भएकाले त्रिभुवन अन्तर्राष्ट्रिय विमानस्थलबाट आन्तरिक उडान गर्ने यात्रुले अब डिजिटल डिभाइसमा टिकट नम्बर मात्र देखाएर विमानस्थल छिर्न नपाउने व्यवस्था गरिएको प्रहरीको दाबी छ । विमानस्थलको सुरक्षा कमजोर हुने नदिन यो व्यवस्था लागु गरिएको प्रहरीले जनाएको छ ।