- १८ आश्विन २०८३, आईतवार / Oct 4, 2026
काठमाडौं । अमेरिकामा कोरोना भाइरसबाट संक्रमित हुनको संख्या ८५ लाख नाघेको छ । बिहीबार यो समाचार तयार पार्दासम्म पछिल्लो २४ घण्टामा थप ६३ हजार ६६३ जनामा कोरोना भाइरसको संक्रमण पुष्टि भएको छ ।
योसँगै अमेरिकामा कोरोना संक्रमित संख्या ८५ लाख ८४ हजार ८१९ पुगेको वल्डोमिटर्समा उल्लेख छ । संक्रमितमध्ये अहिलेसम्म ५६ लाख २ हजार ११६ जना संक्रमणमुक्त भएका छन् । उपचार गराइरहेका २७ लाख ५५ हजार २९४ जनामध्ये १५ हजार ६८६ जनाको अवस्था गम्भीर रहेको वर्ल्डोमिटर्सले जनाएको छ ।
यस्तै कोरोना भाइरसको संक्रमणले मृत्यु हुनेको संख्या २ लाख २७ हजार नाघेको छ ।
तथ्याङ्क अद्यावधिक गरिरहेको साइट वर्ल्डोमिटर्सका अनुसार बिहीबार थप १ हजार २२५ जनाको मृत्यु भएसँगै अमेरिकामा मृतक संख्या २ लाख २७ हजार ४०९ पुगेको छ ।
