सुँगुरको जेनेटिक मोडिफाइ मुटु प्रत्यारोपण गरिएका बेनेटको मृत्यु

काठमाडौं । पहिलो पटक सुँगुरको मुटु प्रत्यारोपण गरिएका डेबिड बेनेटको मृत्यु भएको छ । सुँगुरको मुटु पहिलो पटक प्रत्यारोपण गरिएका ५७ वर्षीय अमेरिकी नागरिक डेबिड डेबिडबेनेटको मृत्यु भएको हो । बेनेटको शल्यक्रियामा संलग्न बाल्टिमोर अस्पतालका चिकित्सक डा. बार्टली ग्रिफिथले बेनेट जीवनको अन्त्यसम्म पनि लडिरहने साहसी र भद्र बिरामी रहेको बताए ।

बेनेटमा गत जनवरी ७ मा सुँगुरको जेनेटिक मोडिफाइ मुटु प्रत्यारोपण गरिएको थियो । मानव स्वास्थ्यमै ठूलो उपलब्धिका रुपमा यो प्रत्यारोपणलाई लिइएको छ । सुँगुरको मुटु प्रत्यारोपणको दुई महिनापछि उनको अमेरिकाको मेरिल्यान्डस्थित अस्पतालमा मंगलबार मृत्यु भएको मेरिल्यान्ड विश्वविद्यालय, बाल्टिमोर अस्पतालले जनाएको छ ।