उत्कृष्ट सासूबुहारी सम्मानित

सिन्धुली । पारिवारिक मेलमिलाप र घरेलु हिंसा अन्त्य गर्ने उद्देश्यले सिन्धुलीको फिक्कल गाउँपालिकाले सासूबुहारीलाई सम्मान गरेको छ । गाउँपालिकाको आर्थिक वर्ष २०७९–०८० को वार्षिक कार्यक्रमअन्तर्गत छ वटा वडाका छ जोडी सासूबुहारीलाई सम्मान गरिएको हो ।\

गाउँपालिकाका उपाध्यक्ष राजु बरालले गाउँघरमा सासूबुहारी सम्बन्धलाई नकारात्मक दृष्टिले हेर्ने परिपाटीलाई न्यूनीकरण गर्ने उद्देश्यले समाजमा रहेका अनुकरणीय सासूबुहारीलाई गाउँपालिकाले हरेक वर्ष सम्मान गर्दै आएको बताए ।

प्रत्येक वडाका उत्कृष्ट सासूबुहारीलाई खोजी हरेक वर्ष गाउँपालिकाले सम्मान गर्ने कार्यलाई निरन्तरता दिने उनको भनाइ छ ।