एक महिनादेखि बेपत्ता झा दम्पतीको भेटियो शव

जनकपुरधाम । एक महिनादेखि बेपत्ता एक दम्पतीको शव गाडिएको अवस्थामा बिहीबार फेला परेको छ ।

पिपरा गाउँपालिका– ५ सहोडबाका मुसाफिर झा र उनकी पत्नी गीता देवी झा गत फागुन १० गते रातिदेखि ओछ्यानसहित बेपत्ता भएका थिए ।

पिपरा–२ स्थित अत्तरा जाने बाटो छेउमा खाल्डोमा गाडिएको अवस्थामा झा दम्पतीको शव फेला परेको प्रदेश २ का प्रहरी प्रमुख डीआईजी धिरजप्रताप सिंहले बताए ।

ठूलै खाल्डो खनेर शव पुरेको अवस्थामा झा दम्पतीको घरभन्दा साढे ३ किलोमिटर फेला परेको हो । होलीका लागि घर पोत्न माटो लिन गएका स्थानीयबासीले पुरेको अवस्थामा बोराभित्र मानव कंकाल देखेपछि प्रहरीलाई खबर गरेका थिए ।