- २८ जेष्ठ २०८३, बिहीबार / Jun 11, 2026
काठमाडौं । नेपाली कांग्रेसका जिल्ला सभापतिहरूको भेला काठमाडौंमा बस्दैछ । पार्टी केन्द्रीय कार्यालय सानेपामा दिउँसो १२ बजे बस्ने बैठकमा पार्टी सदस्यता मुख्य एजेण्डा बनाइएको छ । जिल्ला सभापतिहरूलाई छलफलका लागि काठमाडौं बोलाएको पार्टी महामन्त्रीद्वय गगन थापा र विश्वप्रकाश शर्माले बताए ।
भोलिसम्म सञ्चालन हुने बैठकमा पार्टी सञ्चालन विधिबारे पनि छलफल हुने बताइएको छ । सभापतिहरूले क्रियाशील सदस्यको अवस्था जानकारी गराएपछि त्यसमाथि छलफल हुने भएको हो ।
बैठकमा बोलाउनुअघि जिल्ला सभापतिहरूलाई क्रियाशील सदस्यता र कांग्रेस सदस्यताको विवरण, नवीकरण र अभिलेखीकरणको बिषय, विधान बमोजिम गर्नु पर्ने पार्टीका विभिन्न तहका सम्मेलनका विषय र पार्टी संचालन तथा व्यवस्थापनलगायतका विषयसहित उपस्थित हुन पत्राचार गरिएको छ ।
