- ९ बैशाख २०८३, बुधबार / Apr 22, 2026
काठमाडौं । काठमाडौं महानगरपालिकाले नीति तथा कार्यक्रममा करदाताको स्वास्थ्य बीमा गर्ने नीति ल्याइएको छ । काठमाडौं महानगरपालिकाका मेयर बालेन्द्र साहले आइतबार आर्थिक वर्ष २०७९ र ०८० को नीति तथा कार्यक्रम सार्वजनिक गर्दै करदाताको स्वास्थ्य बीमा गर्ने नीति ल्याएका हुन ।
यतिमात्रै होइन कररदाताको स्वास्थ्य बीमाका लागि बढीमा ५० प्रतिशत अनुदान दिने घोषणा समेत गरिएको छ । महानगरले कोचिङ सेन्टर र शैक्षिक परामर्श केन्द्रको नियमन गर्ने, कोचिङ सेन्टर र शैक्षिक परामर्श केन्दको अभिलेखीकरण गरेर व्यवस्थित ढंगले सञ्चालन गरिने नीति ल्याएको छ ।
नीति तथा कार्यक्रम सार्वजनिक गर्दै मेयर साहले काठमाडौं महानगरभित्र रहेका सरकारी, सार्वजनिक, निजी संस्थाहरुको परिसरमा रहेको खाली जग्गामा पानी पुनर्भरणका लागि पोखरीको निर्माण गरिने उल्लेख गरिएको छ । महानगरमा बोरिङ गरिँदै आएका स्थानमा रिभर्स बोरिङ गर्ने व्यवस्था मिलाउने महानगरपालिकाका मेयर बालेन शाहले बताए । उनले सार्वजनिक निजी साझेदारीमा सार्वजनिक शौचालयहरु सञ्चालन गर्ने नीति समेत लिदै पुराना हिटी र पोखरीहरुको पुननिर्माण गर्ने योजना सार्वजनिक गरे ।
महानगरपालिकाले प्रत्येक हप्ताको आइतबार जनतासँग मेयर कार्यक्रम सञ्चालन गर्ने, जनतासँग मेयर कार्यक्रममा जनतासँग प्रत्यक्ष कुराकानी हुर्ने महानगरपालिकालाई पारदर्शी र सुशासनको लागि मातहतका सबै कार्यालयमा सीसी क्यामेरा जडान गरिने कार्यक्रममा उल्लेख गरिएको छ । महानगरले महानगर क्षेत्रभित्रका बस स्टपमा पुराना मौलिक शैलीमा फल्चाहरु निर्माण गर्ने जनाएको छ ।
