केकीको इन्ट्री भएपछि नम्रता आउट

काठमाडौंः फिल्म ‘प्रसाद २’ मा अभिनेत्री केकी अधिकारीको इन्ट्री भएपछि नम्रता श्रेष्ठ बाहिरिएकि छन् । निर्माण टिमले अभिनेत्रीको लागि केकीसँग सम्झौता गरेको छ । फिल्ममा काम गर्ने फाइनल भएको केकीले बताइन् ।

सुदर्शन थापा निर्देशित यस फिल्ममा अब विपिन र केकीका साथै अर्पण थापा र राज कटुवालको अभिनय रहनेछ। फिल्म छायाङ्कनको लागि टिम बागलुङको भकुण्डे र कास्कीको ल्वाङ गाउँ पुगेको थियो।

तर, छायाङ्कन सुरु हुनुअघि पारिश्रमिकको विषयमा विपिन कार्की र निर्माताबिच विवाद भएपछि सुटिङ रोकिन पुग्यो। विवाद टुंगिएपछि विपिन काम गर्न तयार भएपनि नम्रताले भने आफू व्यस्त भन्दै फिल्मबाट हात झिकेकि छन्।