- २५ भाद्र २०८३, बिहीबार / Sep 10, 2026
काठमाडौं । कोरोना महामारीको कहरकैबीच भएको ‘मिस नेपाल वर्ल्ड २०२०’को उपाधी नम्रता श्रेष्ठले जितेपछि उनको मुहारमा फरक मुस्कार आएको छ । २० जना प्रतिस्पर्धी सहभागी ‘मिस नेपाल वर्ल्ड’मा उनले उपाधि उचालेकी हुन ।
दुइ सयबढी आवेदनबाट छानिएका २० जना प्रतिस्पर्धीहरुवीच कडा प्रतिस्पर्धा भएको हो । काठमाण्डौ बूढानीलकण्ठ स्थित पार्क भिलेज रिसोर्टमा आयोजना गरिएको कार्यक्रममा नम्रताले ताज जितेकी हुन् । नम्रताले ‘मिस नेपाल वर्ल्ड’को टाइटलसँगै नगद २ लाख ५० हजार जितेकी छन् ।
अब, उनले आउँदो बर्ष आयोजना हुने ‘मिस वर्ल्ड’मा नेपालको प्रतिनिधित्व गर्नेछिन् । यो बर्षको ‘मिस नेपाल सुप्रानेशनल’को उपाधि सिमल कनौजियाले जित्दा ‘मिस नेपाल अर्थ’को उपाधि सुप्रिया श्रेष्ठले जितेकी छन् । ‘मिस नेपाल इन्टरनेशनल’को उपाधि सन्ध्या शर्माले जित्न सफल भइन् भने सिमल, सुप्रिया र सन्ध्याले टाइटलसँगै साढे २ लाख पुरस्कार पनि प्राप्त गरेका छन् ।
आयोजक संस्था ‘दि हिडेन ट्रेजर’ले नेपाल पर्यटन बोर्डसँग मिलेर ‘मिस टुरिज्म’ नामक नयाँ विधा समेत थप गरेको छ ।
