- ९ श्रावण २०८३, शनिबार / Jul 25, 2026
६ साउन २०७७ दाङ । दाङमा ५२ हजार टिमुरका बिरुवा रोपिएको छ । टिमुर वर्ष अभियान’ अन्तर्गत टिमुरका बिरुवा रोपिएको हो ।
स्थानीयको आर्थिक जीवनस्तर सुधार गर्ने र आयआर्जनसँग जोड्दै जाने उद्देश्य रहेको अभियानले जनाउको छ । जिल्लाको पहाडी क्षेत्रमा टिमुरका बिरुवा रोपिएको डिभिजन वन कार्यालयले जनाएको छ ।
जिल्लाको बंगलाचुली गाउँपालिका, तुलसीपुरको छिल्लीकोट र घोराही उपमहानगरको सैघाका सामुदायिक वन र व्यक्तिका बारीमा टिमुरका बिरुवा रोपिएको कार्यालयले जनाएको छ । घोराही उपमहानगरपालिको वडा नं १९ राम्चेको मदन आश्रित सामुदायिक वन क्षेत्रमा २ हजार ३ सय टिमुरका बिरुवा रोपिएको छ ।
यस वर्ष १ लाख टिमुरका बिरुवा रोप्ने लक्ष्य अनुसार आधाभन्दा बढी रोपिसकेको डिभिजन वनकार्यालय दाङले जनाएको छ ।
