- २२ असार २०८३, सोमबार / Jul 6, 2026
दैलेख । महाबु गाउँपालिकाले कोरोना महामारीका वेला गाउँ फर्किएका युवालाई गाउँमै रोक्न रोजगारी सिर्जना गरेको छ । कोरोना महामारीका वेला दुई हजार सात सय युवा गाउँ फर्किएपछि तिनीहरुलाई रोजगारी दिन गाउँपालिकाले यस्तो योजना बनाएको हो ।
ठूला मेसिनको प्रयोग बन्द गरेर उनीहरुलाई विकास निर्माणका काममा लगाउने योजना बनाइएको गाउँपालिकाका अध्यक्ष जङ्गबहादुर शाहीले बताए । कृषि, पशुपालनसँगै गाउँ र वडामा हुने सबै विकास निर्माणका काममा अनिवार्य रूपमा ति युवा परिचालन हुनेछन् ।
गाउँपालिकामा कोरोना सङ्क्रमण कम देखिएकाले दसैँ र तिहारकै वेलामा युवालाई विभिन्न रोजगारीका काम दिएर आम्दानीका स्रोत व्यवस्थापन गर्ने तयारी गरिएको गाउँपालिकाका प्रमुख प्रशासकीय अधिकृत भक्तबहादुर मल्लले बताए ।
