दोलखा जिप दुर्घटनामा चालकको मृत्यु

दोलखा । बिगु गाउँपालिका वडा नम्बर ५ चिलङ्खामा बोलेरो गाडी दुर्घटनामापरि चालकको मृत्यु भएको छ । गौरीशङ्कर गाउँपालिका –८ खारेका २४ वर्षीय सुविन तामाङको मृत्यु भएको हो ।

बिहान करीब ६ बजे चिलंखा थाक्रेबाट सिंगटी बजार जाने क्रममा वा २० च ४३७३ नम्बरको गाडी लाइसेप भन्ने ठाउँमा दुर्घटनामा परेको प्रहरीले जनाएको छ ।

चालक तामाङको घटनास्थलमै मृत्यु भएको र बिगु– ५ का २२ वर्षीया कमला तामाङ घाइते भएको दोलखाका प्रहरी निरीक्षक अञ्जन कोइरालाले जानकारी दिए ।