- १७ असार २०८३, बुधबार / Jul 1, 2026
६ साउन २०७७ धनकुटा । धनकुटाको सागुरीगढी गाउँपालिका–७ गर्जुवा गाउँ जोखिममा परेको छ । निरन्तरको वर्षाका कारण धनकुटाको लेउती र गर्जुवा खोलामा बाढी आउँदा गाउँपालिकाको गर्जुवा गाउँको बस्ती जोखिममा परेको हो ।
खोलामा आएको बाढीले घर नजिकै छेउको जमीन समेत कटान गरेपछि बस्ती जोखिममा परेको प्रहरीले जनाएको छ । गर्जुवा खोलामा माटोसहित आएको बाढीले धरान–धनकुटा कोशी राजमार्ग समेत अवरुद्ध गरेको छ ।
पानी पर्नेबित्तिकै गर्जुवाको शीरमा पहिरो जाने र सोही पहिरोको लेदो माटो खोलाले बगाउँदा राजमार्ग अवरुद्ध हुने गरेको स्थानीयको भनाइ छ ।
