- २८ जेष्ठ २०८३, बिहीबार / Jun 11, 2026
६ साउन २०७७ तनहुँ । अविरल वर्षाका कारण तनहुँमा पहिरोले घर पुरिँदा दुई जनाको मृत्यु भएको छ । भानु नगरपालिका–९ सिमलगैह्रामा पहिरोले घर पुरिँदा हजुरआमा र नातिनीको मृत्यु भएको हो ।
तनहुँकै मनोज धौलारीको घर पहिरोले बगाउँदा दुवै जना बेपत्ता भएका छन् भने मृत्यु हुनेमा ८० वर्षीया तिलमाया धौराली र १५ वर्षीया शिताष्मा धौराली रहेको जिल्ला प्रहरी कार्यालय तनहँले जनाएको छ । एकसाताको अवधिमा पहिरोले पुरिएर तनहुँमा १३ जनाको मृत्यु भएको छ भने एक जना अझै बेपत्ता रहेका छन् ।
व्यास नगरपालिकामा पाँच, ऋषिङ गाउँपालिकामा पाँच र म्याग्दे गाउँपालिकामा एक जनाको मृत्यु भएको जनाइएको छ । व्यासका एक जना भने अझै बेपत्ता रहेको प्रहरीले जनाएको छ । सोमबारको पहिरोमा बेपत्तामध्ये शिताष्माको उद्धार गरिए पनि अस्पताल लैजाने क्रममा बाटोमा निधन हुनुका साथै तिलमायाको घटनास्थलबाटै शव निकालिएको जिल्ला प्रहरी कार्यालय तनहुँले जनाएको छ ।
