- १९ श्रावण २०८३, मंगलवार / Aug 4, 2026
भक्तपुर । जिल्लाका मध्यपुरथिमि नगरपालिका–२ को वडाध्यक्षमा नेपाली कांग्रेसका श्रीकृष्ण श्रेष्ठ विजयी भएका छन् । उनले ९८८ मत प्राप्त गरी विजयी भएका हुन् । प्रतिद्वन्द्वी नेकपाएमालेका प्रकाश थापामगरले ८९४ मत प्राप्त गरे भने वडासदस्यमा रविन सिजापति, अम्बिका रजत र सरिता अर्याल विजयी भएका छन् ।
यसैगरी वडासदस्यमा कांग्रेसका शेखर थापामगर विजयी भएका छन् । शुक्रबार सम्पन्न स्थानीय तह निर्वाचनमा मध्यपुरथिमि नगरपालिकाको प्रमुखका उम्मेदवार कांग्रेसका सुरेन्द्र श्रेष्ठले दुई हजार ७ सय ९९ मत प्राप्त री अग्रता कायम राखेका छन् । प्रतिद्वन्द्वी एमालेका मदनसुन्दर श्रेष्ठले दुई हजार १ सय १३ मत प्राप्त गरेका छन् ।
त्यस्तै उपप्रमुखतर्फ एमालेका उत्तरा नेपालले दुई हजार ४७० मतका साथ अग्रता कायम राखेकि छन् भने गठबन्धनबाट नेकपा माओवादी केन्द्रका विजयकृष्ण श्रेष्ठले एक हजार ६५३ मत प्राप्त गरेका छन् । मत गणना जारी रहेको मतगणनास्थलबाट सहायक मतदान अधिकृत केशव सिलवालले कैलाश खबरलाइ जानकारी दिए ।
