- २ भाद्र २०८३, मंगलवार / Aug 18, 2026
१ भदौ २०७७ भक्तपुर । कोरोना महामारीले विश्वलाई प्रताडित बनाईरहेका बेला नेपाल पछिल्लो समय पीडाको बीचबाट गुज्रीरहेको छ । कोभिड–१९ का विरामी अहिले बढ्दै गएका बेला सरकारको भने ध्यान समस्या समाधान तीर भन्दा पनि कुर्सी बचाउने खेलमा लागेको छ ।
महामारीले सताएको त थियो नै अझ बाढी पहिरोले पनि नेपालीहरुलाई सताईरहेको छ । सिन्धुपाल्चोक पहिरो र कालिकोट पहिरोमा धेरै जनधनको क्षेती भयो । यहि सिलसिलामा कोरोना महामारीको चाप उपत्यकामा बढीरहेका बेला यता वीर अस्पतालपछि दोस्रो जेठो सरकारी अस्पतालका रूपमा परिचित भक्तपुर अस्पतालमा भने अहिले कोभिड विरामीका लागि छुटै आइसोलेशन भवन बनाएर उपचारको व्यवस्था भैरहेको छ ।
अस्पतालमा अन्य रोगका विरामीको चाप बढेको पछि कोभिड–१९ का विरामीका लागि छुटै राखेर उपचार गर्नेगरी भवन निर्माण गरिएको छ । उहिले कर्मचारी आन्दोलनका कारण आकस्मिक सेवा बाहेकका सम्पूर्ण सेवा ठप्प भएको यस अस्पतालमा अहिले भने सहज बातावरण कायम भएको छ । भक्तपुरमा भएका अन्य अस्पताल मानवअंग प्रत्यारोपण केन्द्र र भक्तपुर क्यान्सर अस्पतालमा अन्य विरामी हेर्ने र भक्तपुर अस्पतालले कोभिडका विरामी मात्रै हेर्ने गरि व्यवस्थापन मिलाउन लागिएको अस्पतालका मेडिकल सुपरिटेण्डेण्ट (मेसु)ले बताए ।
