- २७ भाद्र २०८३, शनिबार / Sep 12, 2026
१ भदौ २०७७ सुर्खेत । कोभिड–१९ संक्रमितको संख्या बढ्दै गएपछि सुर्खेत, जुम्ला र मुगुमा अत्यावश्यक बाहेकका सेवा बन्द गरिएको छ ।
कर्णाली प्रदेशका तीन जिल्लामा आजबाट निषेधाज्ञा जारी गरिएको छ भने मुख्य नाका प्रवेशमा कडाई गरिएको छ । स्थानीय प्रशासनले प्रदेशका केही स्थानमा यसअघि नै निषेधाज्ञा जारी गरिसकेको छ । वीरेन्द्रनगरलगायतका कतिपय स्थानीय तहमा भने आजदेखि निषेधाज्ञा जारी भएको छ ।
कोरोना संक्रमण रोकथाम तथा नियन्त्रणका लागि जुम्लामा यसअघि पनि पटक–पटक निषेधाज्ञा लागू गरिसकिएको छ । साथै रुकुम–पश्चिमको मुसिकोट नगरपालिकामा पनि बुधवारदेखि निषेधाज्ञा जारी भएको कर्णाली प्रदेश प्रहरी कार्यालयका प्रवक्ता एसएसपी राजेशनाथ बास्तोलाले बताए ।
