भारतविरूद्धको टी–ट्वान्टीमा इंग्ल्यान्डको अग्रता

काठमाडौँ । इंग्ल्यान्डले भारतविरूद्धको ५ खेलको टी–ट्वान्टी सिरिजमा १–० को अग्रता बनाएको छ ।

अहमदाबादमा भएको खेलमा भारतले दिएको १ सय २५ रनको लक्ष्य इंग्ल्यान्डले १५ ओभर ३ बलमा मात्र २ विकेट गुमाएर पूरा गर्‍यो । इंग्ल्यान्डको जितमा जासन रोयले ४९ रन जोड्दा जोस बटलरले २० रन बनाए । जोनी बेयर्स्टोले अविजित २६ रन बनाए ।

डाविड मालन २४ रनमा अविजित रहे । भारतका युजभेन्द्र चाहल र वासिङ्गटन सुन्दरले १र१ विकेट लिए । पहिले ब्याटिङ गरेको भारतले २० ओभरमा ७ विकेट गुमाएर १ सय २४ रन बनाएको थियो ।