- २९ भाद्र २०८३, सोमबार / Sep 14, 2026
केही ठूलो गर्नु छ भने,
आफ्नो बाटो आफै रोज्नु ।
राम्रो संगत गर्ने हो भने,
आफ्नै जस्तो मान्छे खोज्नु ।
भेड़ा बाख्रा जस्तो होइन,
बाघको जस्तो जिउने गर्नु ।
स्वस्थ र बलियो शरीरका लागि
घिउ, दही र दूध पिउने गर्नु ।
संसारले तिमीलाई डराउँनेछ,
हरेक दिन नयाँ रूप देखाउनेछ ।
तर जीवनमा तिमी सफल हुँदा ,
यही संसार तिम्रो पछि(पछि आउनेछ ।
ठूला साना जस्तासुकै अवरोधलाई,
बुद्धिमानीपूर्वक पार गर्नु ।
साना होई जाऊन हरेक चुनौती,
यसरी आफुलाई तयार गर्नु ।
केही पाउनलाई, केही गुमाउनुपर्ने हुन्छ,
हाँस्नको लागि कहिले, आफैलाई रुवाउनुपर्ने हुन्छ ।
चम्किनु छ यदि सुन जस्तै भने,
आफैलाई आगोमा पोल्नु पर्ने हुन्छ ।
भलाईका निम्ति आवश्यक परेमा,
गोप्य कुरा पनि खोल्नु पर्ने हुन्छ ।
बदल्न चाहन्छौ यदि आफ्नो जीवन भने,
सबै भन्दा पहिले आफुलाई परिवर्तित गर्नु ।
समाज र देशका निम्ति केही गर्नु छ भने,
जीवनको लक्ष्य प्रति आफुलाई समर्पित गर्नु ।
बिर्सी हाल तिमी को होऊ भन्ने,
बस एउटा कुरा मात्र याद राख्नु ।
सबै भन्दा पहिला आफ्नो जरूरी काम,
त्यसपछि मात्र अरु केहीलाई राख्नु ।
पुराना बानिहरू तिमीलाई तल झार्नेछन्
नराम्रा प्रेमीहरुले लोभ देखाएर छक्क पार्नेछन् ।
तर तिमी यीनिहरुको चालमा नफंस्नु,
आफ्नो ध्यान केवल लक्ष्यमा केन्द्रित राख्नु ।
तिम्रो लक्ष्य हो समाजलाई राम्रो बनाउनु,
र यस संसारको लागि एउटा नजीर बसाल्नु ।।
आफूलाई अरूभन्दा कम नठान्नु,
तिमीमा पनि केही गर्ने उत्कटता छ ।
आँट गरे असंभव केही पनि छैन,
परिस्थितिहरुलाई बुझ्नु मात्रै विकटता छ ।
बाटो जति सुकै कठिन भए पनि,
सधैं अगाड़ी बढ़दै जानु ।
जीवनमा असल मान्छे बन्न,
राम्रा पुस्तकहरु पढ़दै जानु ।
उठ, अघि बढ, नरोकिई नथाकिई, बस हिन्दै जाऊ,
यसमा कुनै शंका छैन, “सफलता तिम्रो अधिकार हो” ।
