भ्रष्टाचार बिरुद्ध नागरिक अगुवाहरुले प्रदर्शन गरे

काठमाडौं । भ्रष्टाचारबिरुद्ध नागरिक अगुवाहरुले प्रदर्शन गरेका छन् । भ्रष्टाचारीहरुलाई तत्काल कानूनी दायरामा ल्याइ कारबाही गर्न माग गर्दै शनिबार काठमाडौंको माईतीघर मण्डलामा नागरिक अगुवाहरुले बिरोध प्रदर्शन गरेका हुन् । बिरोध प्रदर्शनमा सहभागी काजीबहादुर घिमिरेले यो सरकारको विश्वास नै नभएको र विश्वास नभएकै कारण युवा नेताहरु जन्मिरहेको बताए ।

उनले जनतालाई आँखामा छारो हालिरहेको बताउदै प्रदर्शनमा सहभागी भावना राउतले जनताले देशको सुरक्षा गर्नका लागि पठाएका मानिसहरु भ्रष्टाचारी बनिरहेकाले सबै नागकिरले आवाज उठाउनुपर्ने बताइन । नागरिक अगुवासहितको टोलीले माईतीघरमा जम्मा भएर भ्रष्टाचार बिरोधी विभिन्न सांगीतिक प्रस्तुती समेत दिएका थिए ।