मकवानपुरमा बस दुर्घटना, दुुई जनाको मृत्यु

मकवानपुर । मकवानपुरमा बस दुर्घटना हुँदा दुुई जनाको मृत्यु भएको छ । मकवानपुर जिल्लाको मनहरिमा भएको बस दुर्घटनामा दुई जनाको मृत्यु भएको हो ।

दुर्घटनामा बसका सहचालक नुवाकोट जिल्ला तारकेश्वर गाउँपालिका–४ का २२ वर्षीय सुवास श्रेष्ठ र बसमा रहेका त्यहीँ ठाउँका २९ वर्षीय शम्भु दराई मगरको ज्यान गएको जिल्ला प्रहरी कार्यालय मकवानपुरले जनाएको छ । ना ४ ख ४४५४ नम्बरको बस पूर्व–पश्चिम राजमार्गअन्तर्गत मकवानपुरको मनहरि गाउँपालिका–६ मा दुर्घटना भएको हो ।