- २७ भाद्र २०८३, शनिबार / Sep 12, 2026
काठमाडौ । नेपाली काँग्रेस (वी पी)ले विवेकशील साझासँग एकीकरणका लागि छलफल गर्न वार्ता समिति गठन गरेको छ ।
विवेकशील साझाबीच पटकपटक भएको अनौपचारिक वार्तापछि एकीकरणको छलफल गर्न नेपाली काँग्रेस (वी पी)को सोमबार बसेको पदाधिकारी बैठकले महामन्त्री पुष्पराज पराजुलीको संयोजकमा केन्द्रीय सदस्यहरु लक्ष्मीप्रसाद बास्कोटा, जगन्नाथ घिमिरे र श्याम बहादुर गुरुङ सदस्य रहेको ४ सदस्यीय वार्ता समिति गठन गरेको हो।
विवेकशील साझाले विभिन्न दल, समूह, अभियान र व्यक्तिसँग सम्भावित एकताका लागि केन्द्रीय सदस्य केशव दाहालको संयोजकत्वका रमेश पौड्याल, समीक्षा बास्कोटा, अनुपमान सैँजु, रञ्जु दर्शना र पुकार बम सदस्य रहेको संवाद समिति यस अघि नै गठन गरेको छ। एकताको कुराकानी अघि बढाउने भनेपनि यी दुईबीच संविधानको विषयमा भने मतान्तर छ ।
विवेकशील साझाले अहिलेको संविधानमै टेकेर अघि जानुपर्ने मत राख्दै आएको छ।
