सत्ता गठबन्धनको बैठक बस्दै, निर्णायक वार्ता हुने

काठमाडौं । सत्ता गठबन्धनको बैठक शुत्रबार बिहान १०ः०० बजे बस्दैछ । अमेरिकी सहयोग परियोजना (एमसिसी) सम्झौता संसदमा पेश गरेर अनुमोदन गर्ने विषयमा बिहीबार सहमति नजुटेपछि आज फेरि बैठक बस्न लागेको हो ।

कांगेसले एमसीसी अगाडि बढाउन चाहे पनि माओवादी केन्द्र, एकीकृत समाजवादी र जनता समाजवादी पार्टी विपक्षमा उभिएपछि केही दिन पछि धकेलिएको थियो ।

१६ फागुनभित्र एमसीसी संसदबाट पारित गरिसक्नुपर्ने अमेरिकी दबाब र अन्तिम समयसीमा भएकाले प्रधानमन्त्री देउवा दबाबमा छन्। प्रतिनिधिसभा बैठक पनि आज दिउँसो १ बजे बस्दैछ ।