सांसदलाई छुरा हानी हत्या

काठमाडौं । पूर्वी इङ्ल्याण्डको चर्चामा बैठकमा सहभागी भएका सांसदको छुरा हनी हत्या भएको छ । बेलायतका सांसद डेभिड एम्सको छुरा हानी हत्या भएको हो । वेलफेयर मेथोडिस्ट चर्च स्थानीयहरुसँग छलफल गरीरहेको अवस्थामा सांसद एम्समाथि आक्रमण भएको जनाइएको छ । आक्रमणम गम्भीर घाइते भएका एम्सको उपचारका क्रममा मृत्यु भएको छ ।

एम्समाथि आतंकवादीहरुले आक्रमण गरेको त्यहाँको सरकारको भनाई छ । प्रहरीले घटनामा संलग्न भएको आशंकाम २५ वर्षका एक युवकलाई नियन्त्रणमा लिएको जनाएको छ । एम्स सन् १९९७ देखि साउथेन्ड वेस्टका लागि सांसद निर्वाचित भएका हुन ।

सन् २०१६ मा पनि लेबर पार्टीका सांसद जो कोक्समाथि उत्तरी इंग्ल्याण्डको निर्वाचन क्षेत्रमा गोली हानी हत्या गरिएको थियो । बेलायतका प्रधानमन्त्री बोरिस जनसनले घटनाप्रति दुख व्ज्यक्त गर्दै दोषीलाई कारवाही गर्ने प्रतिवद्धता जनाएका छन् ।