सानुथुम्को रानीकोट सामुदायिक वन र यो यो जिप लाईनक्षेत्रको जग्गा नापजाँच गर्न वडाले दियो सिफारिस

भक्तपुर । सूर्यविनायक नगरपालिका वडा नं. ७ मा पर्ने पर्यटकीय क्षेत्रमा जग्गा अतिक्रमण बढ्यो भन्ने समाचार आएपछि वडाले सामुदायिक वन र यो यो जिपलाईनलाई जग्गा नापजाँज गर्न सिफारिस गरेको छ ।

सूर्यविनायक नगरपालिका वडा नं. ७ का वडाध्यक्ष रविन्द्र सापकोटाद्धारा हस्ताक्षेरित सिफारिसमा नगरपालिका कार्यालय कटुन्जे भक्तपुरलाई नापजाँचका लागि दुई दिने समयसिमा राखेर सिफारिस गरेको हो ।

पर्यटकिय क्षेत्रमा जग्गा अतिक्रमण भए नभएको कुरा नापजाँचबाट पत्ता लाग्ने भएकाले उक्त कदम चालिएको वडाध्यक्ष सापकोटाको भनाइ छ । सानुथुम्को रानीकोट सामुदायिक वन उपभोक्ता समितिसंग समन्वय गरि जग्गा नापजाँच गर्ने कार्यका लागि दुई दिन अमिन खटाई दिनहुन सिफारिस गरिएको छ ।