सोलु करिडोरको १३२ केभी डबल सर्किट प्रसारण लाइन सञ्चालन

काठमाण्डौ । सोलु करिडोर १३२ केभी डबल सर्किट प्रसारण लाइन सञ्चालनमा आएको छ । सिरहाको मिर्चैयादेखि उदयपुर, ओखलढुङ्गा हुँदै सोलुखुम्बुको दूधकुण्ड नगरपालिकाको तिङ्लासम्मको प्रसारण लाइन सञ्चालनमा आएको हो । नेपाल सरकार र भारतीय निर्यात–आयात (एक्जिम) बैंकको सहुलितपूर्ण ऋणमा निर्माण सम्पन्न भएको प्रसारण लाइनको लम्बाइ ९० किलोमिटर र ३०२ वटा टावरहरु रहेका छन् ।

२३ दशमलव ५ मेगावाटको सोलु खोलासहित १८ मेगावाटको माथिल्लो सोलु, ८६ मेगावाटको सोलु खोला (दूधकोसी) ८२ मेगावाटको तल्लो सोलु खोला लगायतका जलविद्युत् आयोजनाको विद्युत् तिङ्ला सबस्टेसनमा जोडिने छ । सोलु करिडोर प्रसारण लाइन आयोजना अन्तर्गत तिङ्लामा १३२र३३ केभी, ३० एमभीए र ३३र११ केभी,८ एमभीए क्षमताको सबस्टेसन निर्माण गरिएको छ ।