सौहार्द पूर्ण रुपमा होली पर्व मनाउन प्रधानमन्त्री देउवाको आग्रह

काठमाडौं । फागुपूर्णिमाको अवसरमा स्वदेश र विदेशमा रहेका सबैमा सौहार्द पूर्ण रुपमा होली मनाउँन प्रधानमन्त्री शेरबहादुर देउवाले आग्रह गरेका छन् । फागु पूर्णिमा (होली) को अवसरमा शुभकामना सन्देश दिंदै प्रधानमन्त्री देउवाले होली शान्त तरिकाले खेल्न आग्रह गरेका हुन । कोभिड–१९ को संक्रमण अझै पूर्णरूपमा नियन्त्रण भइ नसकेको अवस्थामा स्वास्थ्यका मापदण्ड पालना गर्दै र अरुलाई अवरोध नहुने गरी मर्यादितरूपमा होली पर्व मनाउन प्रधानमन्त्री देउवाले निर्र्देशन दिएका छन् ।

उन होलीमा खेलिने विविध रङहरूजस्तै नेपाली समाज पनि जातीय, भाषिक र सांस्कृतिकरूपमा विविधतापूर्ण रहेको उल्लेख गर्दै यही विविधताबीचको एकता नै नेपालीको पहिचान बनेको उल्लेख गरेका छन् । साथै उनले समाजमा विद्यमान विभिन्न प्रकारका विकृति, विसंगति एवं कुरीतिलाई निर्मूल गर्दै न्यायपूर्ण, सभ्य र सुसंस्कृत समाज निर्माण गर्न होली पर्वबाट सबैमा प्रेरणा मिल्ने विश्वाससमेत व्यक्त गर्दै होलीको शुभकाना समेत दिएका छन् ।