- २२ असार २०८३, सोमबार / Jul 6, 2026
भक्तपुर । पूर्वाञ्चल विश्वविद्यालय परीक्षा व्यवस्थापन कार्यालयले मिति २०७७ असोज १५ गतेदेखि सञ्चालन हुने वैकल्पिक विधिबाट हुने स्नातक/स्नातकोत्तर तहको नियमित परीक्षा सञ्चालनबारे मंगलबार ख्वप इन्जिनियरिङ कलेजका प्राध्यापक र कर्मचारीहरूबीच अनलाइन अभिमुखीकरण कार्यक्रम सम्पन्न भएको छ ।
ख्वप इन्जिनियरिङ कलेजको आयोजनामा भएको अभिमुखीकरण कार्यक्रममा कलेज व्यवस्थापन समितिका अध्यक्ष एवम् भक्तपुर नगरपालिकाका प्रमुख सुनिल प्रजापतिले कोभिड १९ को कारण बन्द शिक्षण संस्था खुल्ने अवस्था नरहेको हुँदा भक्तपुर नगरपालिकाद्वारा सञ्चालित कलेजहरूले अनलाइन कक्षा नियमित रुपमा सञ्चालन गरिरहेको र विद्यार्थीहरूले घरबाटै शिक्षा हासिल गरिरहेको बताए ।
अनलाइन परीक्षाको समयमा हुने प्राविधिक समस्याको वैकल्पिक उपाय अवलम्बन गर्दै परीक्षा सञ्चालन गर्नुपर्नेमा जोड दिदै उनले विद्यार्थीहरुको शैक्षिक विकासको निम्ति कलेज प्रशासन, व्यवस्थापन समिति र शिक्षक–कर्मचारीहरुले इमानदारीपूर्वक काम गर्नुपर्ने बताए । संक्रमणको विषम् परिस्थितिमा कलेजमा कार्यरत कर्मचारी तथा शिक्षकहरूले जिम्मेवारीपूर्वक काम गर्न प्रेरित गर्नुहुँदै नगर प्रमुख प्रजापतिले नेपाल सरकारको मापदण्डअनुसार नगरबासी संक्रमितहरूलाई लक्षित गरी भक्तपुर नगरपालिकाले व्यवस्थित र सुविधायुक्त आइसोलेसन केन्द्रको स्थापना गरेको बताए ।
कार्यक्रमम भक्तपुर नपाका उपप्रमुख एवम् भक्तपुर नगरपालिकाले शिक्षा क्षेत्रमार्फत नगरका क्षेत्रका र देशभरिका विद्यार्थीहरूको लागि प्रविधिमैत्री शिक्षा प्रदान गर्न अनुसन्धानात्मक शिक्षामा जोड दिंदै आइरहेको बताईन् । कार्यक्रममा ख्वप इन्जिनियरिङ कलेजका प्राचार्य सुजन माक, ख्वप कलेज अफ इन्जिनियरिङका प्राचार्य सुनिल दुवाल, उपप्राचार्य रबिन्द्र फोँजुलगायतले धारणा राखेका थिए ।
