हतियार प्रहारबाट एक युवकको हत्या

झापा । दमक बजारमा बुधबार बेलुकी ७ बजेतिर एक युवकको हत्या भएको छ ।

दमक नगरपालिका–६ स्थित घिमिरे मार्केटमा अज्ञात व्यक्तिको हतियार प्रहारबाट दमक–२ का २५ वर्षीय प्रकाश पराजुलीको हत्या भएको दमकका प्रहरी नायब उपरीक्षक नवराज कार्कीले बताए।

हतियार प्रहारबाट गम्भीर घाइते भएका पराजुलीलाई उपचारका लागि बिर्तामोडस्थित बिएण्डसी अस्पताल लगिएको र त्यहाँ उनको तत्कालै मृत्यु भएको प्रनाउ कार्कीले बताए ।

घटनामा संलग्न कोही पक्राउ नपरेपनि प्रहरीले अनुसन्धान सुरु गरेको जनाएको छ ।