- २८ भाद्र २०८३, आईतवार / Sep 13, 2026
काठमाडौं । कोरोना भाइरस सम्बन्धी तथ्याङ्क अद्यावधिक गर्दै आएको साइट वर्ल्डोमिटर्सका अनुसार विश्वभर २ करोड ३१ लाख ५ हजार ७८ जना संक्रमित भएका छन् ।संक्रमितमध्ये १ करोड ५७ लाख ८५२ जना संक्रमणमुक्त भएका छन् । हाल सम्म मृत्यु हुनेको संख्या ८ लाख २ हजार ८८९ पुगेको छ ।
२ वर्षमा महामारी नियन्त्रण
विश्व स्वास्थ्य संगठन (डब्लुएचओ) ले २ वर्षमा कोरोना भाइरसको महामारी नियन्त्रणमा आउने अपेक्षा गरेको छ ।
प्रमुख डा. टेडरोज आध्यनोम गेब्रेयेसोसले कोरोना भाइरसको महामारी दुई वर्षभित्र नियन्त्रणमा आउने आशा बढेको बताएका छन् ।
सन् १९१८ को स्पेनिस फ्लू दुई वर्षमा नियन्त्रणमा आएको स्मरण गर्दै उनले कोरोना भाइरस पनि सोही अनुसार हुने अपेक्षा गरिएको बताएका हुन् । तर, प्राविधिक सक्षमताले कम समयमै भाइरस नियन्त्रणमा लिन पनि सकिने उनले बताएका छन् ।
