२० लाख आर्थिक सहायता उपलब्ध गराउने सरकारको निर्णय

काठमाडौं । निर्वाचनमा सुरक्षाकर्मीको मृत्यु भए परिवारलाई २० लाख रूपैयाँ आर्थिक सहायता उपलब्ध गराउने सरकारले निर्णय गरेको छ । गृह मन्त्रालयको प्रस्तावमा आइतबार बसेको मन्त्रिपरिषद् बैठकले निर्वाचनमा खटिने म्यादी प्रहरीसहितका सुरक्षाकर्मीको मृत्यु भएमा २० लाख आर्थिक सहायता उनीहरुको आश्रित परिवारलाई उपलब्ध गराउने निर्णय गरको हो ।

हिमाली जिल्लामा खटिने म्यादी प्रहरीलाई प्रहरी जवान सरह जिल्लागत दररेट अनुसार रासनभत्ता उपलब्ध गराउने र निर्वाचनको सुरक्षामा खटिएको समयमा घाइते भएका सुरक्षाकर्मीको उपचारमा लागेको खर्च समेत सरकारले व्यहोर्ने सरकारले निर्णय गरेको छ ।