अफगानिस्तानकाे अवस्थाबारे गम्भीर बन्न पाकस्तिानद्धारा अन्तर्राष्ट्रयि समुदायको ध्यानाकर्षण

एजेन्सी । विश्व समुदायलाई अफगानिस्ताको अवस्थाका बारेमा गम्भीर भएर सोच्न पाकिस्तानका विदेशमन्त्रीले आग्रह गरेका छन् । पाकिस्तानी विदेशमन्त्री साह मोहम्मद कुरेसीले अर्गनाइजेसन अफ इस्लामिक कोअपरेसन्समा बोल्दै सो धारणा राखेका हुन् ।

अफगानिस्तानको अवस्था निकै नाजुक रहेकाले यस विषयमा सबैले सोच्नुपर्ने उनको भनाई छ । ओआइसीको बैठकमा बोल्दै उनले भने, ‘मलाई लाग्छ अफगानिस्तानको अवस्था निकै नै गम्भीर छ, यसमा विश्वका देशहरुले सोच्नुपर्छ ।’
पछिल्लो अवस्थामा तानिबानहरुको शासनकालमा पनि अफगान नागरिकहरुले पहिले जस्तै अधिकारहरु खोसिएको र आर्थिक मन्दी छाएकोले सरकारी कर्मचारीले तलब समेत नपाएको बताए । अफगानिस्तानमा दुई वर्षदेखिको खडेरीका कारण राम्रो उब्जनी पनि नभएको र यहाँका नागरिकले राम्रोसँग खाना र औषधि समेत नपाएको अवस्था रहेकोतर्फ सबैको ध्यानाकर्षण गराए ।
विदेशी दाता राष्ट्र तथा निकायहरुलाई अफगानिस्तानको अवस्थालाई मध्यनजर गरेर मानवीय सहायता उपलब्ध गराउनुपर्ने जानकारी विदेशमन्त्री कुरेसीले दिए ।