खोल्सामा बाढी आउँदा घाँस काट्न गएकी एक महिलाको मृत्यु

म्याग्दी । बाढीले बगाउँदा म्याग्दीको रघुगंगा गाउँपालिका–६ पाखापानीमा एक महिलाको ज्यान गएको छ । घटनामा एक जना घाइते भएकी छन् । म्याग्दीको उत्तरी क्षेत्रमा पर्ने रघुगंगाको पाखापानीमा सोमवार दिउँसो ठूलो पानी परेपछि पानीले बगाएपछि आएको बाढीमा परि महिलाको ज्यान गएको हो ।

सोमवार नाङ्गे जङ्गलको खोल्सामा बाढी आउँदा घाँस काट्न गएकी रघुगंगा–६ कालाबाङकी २४ वर्षीया हरिमाया शेरपुन्जाको ज्यान गएको जिल्ला प्रहरी कार्यालय म्याग्दीले जनाएको छ । हरिमायासँगै घाँस काट्न गएकी कालाबाङकी ३० वर्षीया दानदेवी पाईजा भने घाइते हुनुभएको छ । उहाँको बेनी अस्पताल म्याग्दीमा उपचार भइरहेको जिल्ला प्रहरी कार्यालय म्याग्दीले जनाएको छ ।