जन्मदिनमा बृद्धबृद्धालाई खाना खुवाउँदै आर्थिक सहयोग गर्ने मनकारी उर्मिला कार्की

काठमाडौं । मानिसहरुले आफ्नो जन्मदिन मनाउन विभिन्न किसिमका अभ्यासहरु गर्ने गरेका छन् । कतिपय मानिसहरुले आफ्नो जन्मदिनमा केक काट्दै र बत्ती निभाउदै गरेका दृश्यहरु देखिने गरेका छन् । तर कतिपय मानिसहरुले आफ्नो जन्मदिनलाई सामाजिक कार्यमा समेत जोड्ने गरेका छन् ।

आफ्नो जन्मदिनलाई सामाजिक कार्यमा जोड्ने समाजसेवी तथा लायन्स क्लब अफ काठमाण्डौ एभरेष्ट टाउनकी अध्यक्ष उर्मिला कार्की पनि एक हुन । उनले आफ्नो जन्मदिनलाई यादगार बनाउन बृद्धाहरुलाई खाना खुावाएकी छन् । कार्कीले नवजीवन परोपकार समाजमा रहेका बृद्धबृद्धालाई खानामात्रै नखुवाईनन् उनले नवजीवन परोपकार समाजलाई रु ५ हजार आर्थिक सहयोग समेत गरिन ।

कार्कीले आफ्नो जन्मीदिनलाई केक काटेर होइन हरेक कुरालाई मनमा लुकाएर राखेका बृद्धबृद्धालाई आफ्नो तर्फबाट केही सहयोग होस् भन्ने उदेश्यले आफ्नो जन्मदिनमा खाना खुवाउनुका साथै आर्थिक सहयो गरेको बताईन । उनले भनीन आफ्नो जन्मदिनमा केक काटेर खर्च गर्नु भन्दा केही अप्ठेरोमा परेका मानिसहरुलाई सहयोग गरौंकी भन्ने हिसाबले खाना खुवाए ।

उनले समाजमा रहेका असहाय, गरिब, दिनदुखीहरुलाई निरन्तर सहयोग गरिहने बताइन । कार्कीले  नवजीवन पराेपकार समाजमा रहेका १६ जना बृद्धबृद्धालाई खाना खुवाएकी हुन ।कार्कीलाई नवजीवन पराेपकार समाजका सदस्यहरूले धन्यवाद दिएका  थिए ।