जुम्ला सदरमुकाम खलङ्गा सिल

जुम्ला । चन्दननाथ नगरपालिका क्षेत्र सिल गरिएको छ । एकै दिन २७ स्वास्थ्यकर्मीसहित ४६ जनामा कोरोना सङ्क्रमण देखिएपछि नगरपालिका क्षेत्र सिल गरिएको हो ।

सदरमुकाम खलङ्गाको पूर्वमा दानसाँघु, दक्षिणमा तिला नदी, उत्तरमा कर्णाली प्राविधिक शिक्षालय र पश्चिममा गमगाड क्षेत्र सिल गरिएको सहायक प्रमुख जिल्ला अधिकारी ओमप्रकाश देवकोटाले बताए ।

बिहीबार ३ बजेदेखि लागू हुने गरी १८ असोजसम्म सिल गरिएको उनले बताए । कोरोना सङ्क्रमण देखिएपछि कर्णाली स्वास्थ्य विज्ञान प्रतिष्ठान शिक्षण अस्पताल जुम्लामा आकस्मिकबाहेक अरु सेवा पनि बन्द गरिएको छ ।