झारफुकको बहानामा महिलालाइ बोलाएर बलात्कार

बाँके । डुडुवा गाउँपालिका–५ कम्दीस्थित हजरत कम्मरशाह बाबा दरगाह सरिफ मजारका फकिर बलात्कारको अभियोगमा पक्राउ परेका छन् ।

रातको समयमा झारफुक गर्ने बहानामा महिलालाइ बोलाएर बलात्कार गरेको आरोपमा उनी पक्राउ परेका हुन । एक महिलाको जाहेरीका आधारमा उनलाई पक्राउ गरिएको प्रहरी नायब उपरीक्षक सुभाष खड्काले बताए । लामो समयदेखि झारफुकसमेत गर्दै आएका फकीर नजिर मोहम्मद साईले झारफुक गर्ने बहानामा महिलालाई बोलाउदै बलात्कार गर्ने गरेको खुलेको छ ।

धेरै महिलाहरुले झारफुकको बहानामा अश्लिल हर्कत गर्ने गरेको बताएकी छन् । पीडित महिलाले जिल्ला प्रहरी कार्यालयमा दिएको जाहेरीका आधारमा इलाका प्रहरी कार्यालय कम्दीको प्रहरी टोलीले ४० वर्षीय साईलाई पक्राउ गरी जिल्ला प्रहरी कार्यालयको हिरासतमा राखेर थप अनुसन्धान गरिरहेको प्रनाउ खड्काले बताए ।