- १२ भाद्र २०८३, शुक्रबार / Aug 28, 2026
डोटी । पुरानो क्षेत्रीय सदरमुकाम दिपायल तथा जिल्ला सदरमुकाम सिलगढीमा खानेपानीको हाहाकार भएको छ । बेमौसमी वर्षात्का कारण आएको बाढीपहिराले बगाएका खानेपानीका मुहान मर्मत नगरिएकाले खानेपानीको हाहाकार भएको हो ।
असोज अन्तिम साताको अबिरल वर्षाका कारण सदरमुकाम दिपायलस्थित राजपुरबजारको खानेपानी मुहान सलेनामा ५०० मिटर पाइप बगाएको थियो । सम्बन्धित निकायले यसको समयमै मर्मत गर्न नसकेका कारण पानीको हाहाकार भएको हो । मर्मत गर्न कठिन भएकाले पानी उपलब्ध गराउन नसकिएको राजपुर खानेपानी सरसफाइ उपभोक्त समितिले जनाएको छ ।
यहाँका प्रमुख व्यापारिक केन्द्र पिपल्ला, दिपायल, राजपुर तथा सिलगढीमा खानेपानीको हाहाकार भएपछि दिपायल सिलगढी नगरपालिकाको दमकलले पानी वितरण गरेकामा बन्द गरेका कारण उपभोक्तालाई अहिले फोहर पानी खानुपर्ने बाध्यता रहेको स्थानीयवासीहरुले जानकारी दिए ।
