नदीमा भेटिए एक युवक मृत

बैतडी । चौलानी नदीमा एक युवक मृत फेला परेका छन् । दार्चुलाको लेकम गाउँपालिका–१ सेजालीका ३५ वर्षीय रमेश कार्की मृत भेटिएका हुन ।

कार्की बैतडीको दोगडाकेदार गाउँपालिका–६ स्थित चौलानी नदीको बीच भङ्गालोमा मृत फेला परेको गोकुलेश्वर प्रहरी चौकीका इन्चार्ज नरेन्द्र धामीले बताए । रमेशको कसरी मृत्यु भयो भन्ने खुलेको छैन ।

थप अनुसन्धान भइरहेको उनको भनाइ छ । शिवरात्रि मेला हेर्न गोकुलेश्वर गएका कार्की घर नफर्केपछि खोजतलास हुँदा चौलानीमा मृत भेटिएका हुन् ।