- २२ भाद्र २०८३, सोमबार / Sep 7, 2026
बैतडी । बैतडीमा स्वाब सङ्कलन गर्न हिँडेका एक स्वास्थ्यकर्मी कुटिएका छन् । सिगास गाउँपालिका बल्लेखान आधारभूत स्वास्थ्य केन्द्रमा कार्यरत अहेब भूपेन्द्र बोहरा सोमबार बेलुका कुटिएका हुन ।
स्वास्थ्य केन्द्रबाट ढुङ्गाडमा स्वाब सङ्कलनका लागि हिँडेका स्वास्थ्यकर्मी बोहरामाथि डुणैमा स्थानीय भानसिंह बोहराले कुटपिट गरेको बताइएको छ । सामाजिक दूरी कायम गर्न र स्वास्थ्य सुरक्षा सतर्कता अपनाउन आग्रह गर्दा स्थानीय बोहराले हातपात गरेको बोहराले बताए ।बैतडीमा यसभन्दा पहिले पनि महिला स्वास्थ्यकर्मीमाथि कुटपिट भएको थियो ।
पुर्चौडी नगरपालिका–३ स्थित न्वादेउ नकाली नगरस्वास्थ्य केन्द्रमा कार्यरत २५ वर्षीया अनमी जानकी भट्टमाथि कुटपिट भएको हो । स्वास्थ्य केन्द्रमै बिरामीको उपचार गरिरहेका बेला उनीमाथि स्थानीय दुई युवक मोहन कुँवर र २१ वर्षीय वीरेन्द्र कुँवरले कुटपिट गरेका थिए ।
