बढ्दै अपराधिक क्रियाकलाप, एम्बुलेन्समा समेत गाँजा तस्करी

सुनसरी । सुनसरी प्रहरीले गाँजा बरामद गरेको छ । सुनसरीको धरान उपमहानगरपालिका–२ बाट प्रहरीले एम्बुलेन्सबाट गाँजा बरामद गरेको हो । प्रहरीले एम्बुलेन्समा गाँजा तस्करी गर्ने दुई जना एम्बुलेन्स चालक धरान उपमहानगरपालिका–१५ बस्ने ३६ वर्षीय बलबहादुर लिम्बु र धनकुटाको सहिदभूमि गाउँपालिका घर भएका २८ वर्षीय पोशन राईलाई पक्राउ गरेको हो ।

धनकुटा भेडेटारबाट धरानतर्फ आउँदै गरेको उक्त एम्बुलेन्सलाई प्रहरीले जाँच गर्ने क्रममा १ सय किलो गाँजा बरामद गरेको सुनसरी प्रहरीले जनाएको छ ।
प्रहरीले को.१ च ५५५९ नम्बरको एम्बुलेन्सबाट गाँजा बरामद गरिएको जिल्ला प्रहरी कार्यालय सुनसरीले जनाएको छ ।