बाग्लुङ–कुश्मीशेरा सडक खण्ड पहिरोका कारण अवरुद्ध

बाग्लुङ । बाग्लुङ–कुश्मीशेरा सडक खण्ड अवरुद्ध भएको छ । वर्षासँगै आएको बाढी र पहिरोका कारण बाग्लुङ नगरपालिका–१० भकुण्डेको दब्ल्याङमा पहिरो खस्दा जिल्लाको दक्षिण क्षेत्र जोड्ने बाग्लुङ–कुश्मीशेरा सडक बन्द भएको हो ।

सदरमुकाम बाग्लुङ बजारबाट बाग्लुङ नगरपालिकाको बलेवा क्षेत्र, जैमिनी नगरपालिका र बरेङ गाउँपालिकाका लागि छुट्ने गाडी सडक अवरुद्ध हुँदा मर्कामा परेका छन् । सडक अवरुद्ध भएपछि निर्माणाधीन राष्ट्रिय गौरवको आयोजना कालीगण्डकी करिडोरको बाटो हुँदै गन्तव्यमा पुग्न बैकल्पिक बाटोको प्रयोग गरिएको छ ।

पहिरोका कारण करिडोरसमेत अवरुद्धभएपछि यात्रुहरु अलपत्र परेका छन् । वर्षासँगै दब्ल्याङमा पहिरो खसेपछि तीन वर्षअघिदेखि शुरु भएको पहिरोले हिउँदमा सामान्य वर्षा हुँदासमेत सडक बन्द हुने गरेको छ ।